Ақпараттық шу

Олдос Хаксли өзінің «Brave New World» атты кітабында болашақта ақпараттың көптігінен біздің азғынып кеткеніміз соншалық, толықтай әрекетсіздікке және өзімшілдікке бет алуымыз әбден мүмкін деп болжам жасаған. Өзімшілдік пен әрекетсіздік былай тұрсын (бұрыннан бар дерт қой), Хакслидің «ақпарат көптігі» шындыққа көбірек жанасады.

Жақында пайда болған Google-дың Buzz лентасы секілді сервистер онсыз да аз уақытымызды «өлтіріп» жүргенімен қатар, минут сайын қажетсіз ақпаратты үйіп-төгіп отырады. Әрине, ұнамаса, бәрін жауып қойып, жұмысты жалғастыра беруге болады, бірақ арасында қажет нәрселер немесе жұмысыңызға қатысты ақпарат болуы да мүмкін. Бір жағынан, бұрындары бөтен ешкім қол сұқпайтын, ең жақын мекенің – электрондық почтада неше түрлі адамдардың пайда болуы да бір түрлі екен. Әйтеуір, күннен күнге жаһанданып, әлеуметтеніп келеміз. Оның үстіне ридердегі ортақ жазбалар автоматты түрде көбейіп кетті. Бір постқа жасалған сілтемені күніне 10 рет қайта-қайта көретін жағдайлар да болады. Осындайда Твиттердің «Ретвит» түймесіне алғыс айтып отырасың. Фейсбук та көштен қалмай, Jabber/XMPP қолдайтын болыпты, «МойМир – В Контактегілер» жайында айтпасам да болатын шығар?

Айтпақшы, Blogger.com мен Blogspot.com бізде (мегалайнерлерде) сол беті ашылмай кетті, ал Иранның үкіметі болса, Gmail-ға тыйым салып қойды. Себебі – халық пен үкімет арасындағы байланысты нығайту. Мен де түсінбедім…

Google Толқын

Жаздың басында Google компаниясы жаңа сервистің тұсау кесерін жасаған болатын. Компанияның айтуынша, бұл сервис – Интернетте бірлесіп жұмыс істеу саласындағы төңкеріс.

Бағдарламалық қамтамасыз ету конференциясында жасаушылар «Google Wave» (ағылшын тілінен аударғанда «толқын») атты байланыс сервисінің презентациясын жасады. Бұл сервис байланысудың әмбебап құралы және жасаушылардың ойынша ол электрондық пошта, лезде алмасу хабарламалардың бағдарламаларын, фотохостинг және wiki-редактордың орнын басуы қажет. Сіз әріптестеріңізбен сұхбаттасқан кезде экранда жазылған әр жаңа әріптің жазылу жолы көрініп тұрады, сұхбат шынайы әңгімелесуге ұқсап кетеді және уақытты үнемдейді.

Орфография

Хабарламалармен тез алмасу кезінде терезеге енгізілетін мәтінде жиі қателер кетіп жатады. Осы проблемаға байланысты пайдаланушылар да, лингвистер де бұрыннан наразылық білдіріп жүр. Гуглдың толқыны сауаттылық мәселесін қарастырған болатын: сервисте мәтінде кеткен қателерді түзетудің жаңа жүйесі қолданылады. Әзірге тек қана ағылшын тілі үшін болса да, сервис сөздерді контекстке байланысты дұрыстайды. Жасаушылар бұл жүйені Natural Language processing деп атайды және оның орфографиялық сөздіктерге негізделген алгоритмдерден әлдеқайда пайдалырақ екеніне сенімді.

Хабарласу

Google Wave тек қана екі адамның ақпарат алмасуына емес, көптеген адамдардың арасында «әңгіме» жүргізуге жағдай жасайды. Егер бір адаммен жеке сөйлесемін десеңіз – ол үшін де арнайы опция бар, ондай хабарласуды «толқын асты» деп атайды. Бір-біріңіздің хабарламаларыңызды редакциялауға, ұжымдық жоспар, құжат құруға арналған мүмкіндіктер бар.

Өзім Толқынға кіргелі бір айдан асты, терезеде инвайтқа қолы жеткен джимейлдегі байланыстарым бар, чаттардың ішінде басқа да қазақстандық пайдаланушылар жүр. Инвайтты yvision.kz немесе twitter.com-да жүріп, сұрап алуға анда-санда мүмкіндік болып жатады.

«Хат келді»

GMail почта сервисі АҚШ веб-почта сервистерінің арасында танымалдылық жағынан 3-ші орында деп хабарлайды comScore.

Зерттеу компаниясының статистикасына жүгінсек, GMail сервисінің қолданушылар саны өткен айда 37 миллионға жетті. Ал AOL Email–дікі – 36,4 миллион. Осылайша, Google корпорациясы AOL компаниясын артта қалдырып, АҚШ қолданушылары арасында 3-ші орында.

Бірінші орында – Yahoo! Mail, 2009 жылдың шілде айында оның аудиториясы 106 миллиондай қолданушыдан тұрды. Екіншісі – Windows Live Hotmail, өткен айда оның аудиториясы 47 миллионға жетті.

Айта кететін бір жайт, GMail қолданушыларының өсу саны өте жоғары. 2009 жылдың басында сервисті пайдаланатындар саны 25% өсті, ал AOL аудиториясы 22% азайды. Windows Live Hotmail-да 8%, ал Yahoo! Mail — 16% өсті.

Ал Сіз қандай почталық сервисті қолданасыз және олар бірнешеу болса, негізгісі қайсы?

P.S. namba.kz қызметімен таныссыз ба?

Gmail: SMS арқылы тіркелу

Енді «Джимейлде» тіркелу үшін мобильді телефон қажет: почталық қызмет Google жаңа есептік жазбаларын растау үшін SMS-ті қолдана бастады. Осы ақпаратты Google Operating System блогы хабарлайды. Енді Gmail мобильді телефоныңыздың нөмірі арқылы активация кодын жібереді.

Gmail бұрын да жаңа есептік жазбаны растау үшін SMS қолданатын, бірақ ол кезде сервис баршаға ашық емес-тін. Қазір осы тәжірибеге спаммен күресу үшін қайта оралмақ. Дәстүрлі қауіпсіздік әдістері, мысалы CAPTCHA, тиімсіз екен: көптеген аукциондар мен форумдарда жоғары емес бағаға 5000–100000 аккаунт сатып алуға мүмкіндік бар.

Сонымен қатар, «Гугл-күнтізбе», «Джимейл», «Гугл-докс» және басқа да тегін Google веб-қосымшалардан тұратын Google Apps нұсқасын жабуы мүмкін. TechCrunch-тың хабарлауынша, жаңа қолданушыларға сервистің жұмысын сынап көруге 14 күн беріледі. Осыдан кейін қолданушы 1 жылға 50 доллар төлеуі тиіс. Алайда, «Google сервисінің» орыс тілді бетінде әзірге тегін базалық пакетті қолдануға болады.

Google Apps нұсқасының жаңартылған түрі ешқайда жоғалмайды, тіркелу мына бетте.

Ақпарат көзі

Кім күшті?

Nielsen Online өткізген зерттеу бойынша , әлеуметтік желілер мен блогтар танымалдылығы өсуде. Оларға Интернет қолданушылардың 67 пайызы кіреді екен. Әлеуметтік желілердің танымалдылығы электрондық почтаға қарағанада 65.1 % алда, бірақ іздеу сервистеріне қарағанда 85.9%, порталдарға 85.2%, РС үшін қосымшаларға қарағанда 73.4% артта екен.
Neilson – ның есебі бойынша Facebook – ең танымал әлеуметтік жүйе. Айына бір рет болса да оған Интернет қолданушылардың оннан үші кіреді екен. Әлеуметтік жүйелер мен блогтар әсіресе Бразилияда кең таралған, оларға интернет пайдаланушылардың 80 пайызы кіреді.
Nielsen әлеуметтік желілердің басқа да даму үрдісі жайында айтады: олардың аудиториясында ересектер көбейді және Интернетке пайдаланушылар мобильді телефондар арқылы жиі кіретін болды.
Сарапшылардың көбісі Nielsen – нің қорытындысына күмәнмен қарайды және интернет – пайдаланушылардың тек 65 пайызы электрондық почтамен жұмыс істейді дегенге сенбейді. Қайнар.

Өз ойым. Мен үшін электронды почта өте маңызды, да қажетті. Блогыма әрине арнайы уақытымды бөлсем де, әлеуметтік желілер бос уақыт өткізу үшін немесе уақытша қызығушылық туындатады деп ойлаймын.
Әлеуметтік жүйелер немесе блогтар арқылы қажет адамдарды тауып алсан да, кейін олармен Сіз қолданатын джитолк немесе джаббер, аська, скайптарға оларды қосып аласыз. Бірақ осы дос/таныстарыңыз offline болған жағдайда, электрондық почта арқылы байланысасыз. Блог және әлеуметтік жүйелердің барлық ескертпе хабарландырулары да почтаңызға келіп түседі, көп пікірлерді де бірінші почтаңыздан оқи аласыз, сондықтан да электрондық почтаның маңызы азайып бара жатыр дегенге келіспеймін.

Жаңа мүмкіндіктер.

Тағы да Gmail жайында…жоқ, бұл жазбаны жалпы электрондық поштаға арнайық. Бүгінгі электрондық жәшігіңіз қандай болуы тиіс? – Ең бірінші, өзіңіз үшін ыңғайлы.

Gmail To-Do «Remember The Milk» сияқты қосымшаларымен GTD-парақтарын қосуға мүмкіндік жасады. Ол жайында мына жерден толық оқуға болады. Қазір онда «Task Manager» – тапсырмаларды жазу сияқты функциялар бар, бірақ бұл әзірге тек ағылшын тілді нұсқаларда. Сонымен, бұл сервис басқа сапалы сервистер сияқты жаңару/жаңа мүмкіндіктерді қосуы тиіс. Оған себеп не? Дәл қазір оның себебі бәсекелестік болуы мүмкін деп ойлаймын, неге десеңіз, кеше мынадай жаңа пошталық сервис жайында естідім, әрі көріп таныстым. Zenbe.com шынымен де қызықты пошталық жүйе. Бірінші, қосымшалар, содан tags (ілмектер), pages (парақтар), жоспарлар, Youtube, RSS feat, discussion, күнтізбе, карта т.с.с. Әртүрлі виджеттер арқылы бірнеше кликпен уақытыңызды үнемдеуге болады. Сонымен қатар, Facebook пен Twitter, G-talk – ті де қоса аласыз. Бәрі бір жерде.

Gmail жапсырмалары

Бүгін Джимейлдің ресми блогында қолдан жасалған жапсырмалардың тегін таратылатыны жайында хабар шықты. Қызықсаңыз,

Send me some Gmail stickers already
P.O. Box 391420
Mountain View, CA 94039-1420

маркалары бар кәдімгі қағаз хат жіберіп, Gmailда қолданатын «hot» түймелердің немесе дәптер, ноутбукқа т.б. жапсыруға болатын хатқалталарына ие боласыз.