Мұрағат

Posts Tagged ‘twitter’

Жарнаманы өлшеу

Ақпан 20, 2010 3 пікір

Жарнаманың ең қымбат арнасы — телевидение. Ол брендтің оңтайлы және визуалды образын жасауға мүмкіндік береді. Аудиторияның көлемі де маңызды. Рейтингі жоғары телеарналар жарнама уақытының 20 секундын мыңдаған долларға сатады. Ал YouTube-та бәрі тегін. Және онда санақ та бар (N рет қаралды). Санақ көрсететін сандар жарнамадағы өнімнің бағалылығын, авторлардың таланттылығын, ал роликтің астындағы пікірлер тұтынушылардың реакциясын нақты көрсетеді. Егер де Youtube-тегі видеоны 100000 рет қараса, біз тұтынушылар кім және олар не деп ойлағанын біле алмаймыз, бірақ роликтің коды неше рет көшірілді, Facebook, Twitter немесе әлеуметтік букмаркс, таңдаулыларға қосу, пікірлер сияқтылар жауап реакциясына арналған.

Толығырақ.

Санаттары:медиа Кілтсөздері:,

Ақпараттық шу

Ақпан 11, 2010 4 пікір

Олдос Хаксли өзінің «Brave New World» атты кітабында болашақта ақпараттың көптігінен біздің азғынып кеткеніміз соншалық, толықтай әрекетсіздікке және өзімшілдікке бет алуымыз әбден мүмкін деп болжам жасаған. Өзімшілдік пен әрекетсіздік былай тұрсын (бұрыннан бар дерт қой), Хакслидің «ақпарат көптігі» шындыққа көбірек жанасады.

Жақында пайда болған Google-дың Buzz лентасы секілді сервистер онсыз да аз уақытымызды «өлтіріп» жүргенімен қатар, минут сайын қажетсіз ақпаратты үйіп-төгіп отырады. Әрине, ұнамаса, бәрін жауып қойып, жұмысты жалғастыра беруге болады, бірақ арасында қажет нәрселер немесе жұмысыңызға қатысты ақпарат болуы да мүмкін. Бір жағынан, бұрындары бөтен ешкім қол сұқпайтын, ең жақын мекенің – электрондық почтада неше түрлі адамдардың пайда болуы да бір түрлі екен. Әйтеуір, күннен күнге жаһанданып, әлеуметтеніп келеміз. Оның үстіне ридердегі ортақ жазбалар автоматты түрде көбейіп кетті. Бір постқа жасалған сілтемені күніне 10 рет қайта-қайта көретін жағдайлар да болады. Осындайда Твиттердің «Ретвит» түймесіне алғыс айтып отырасың. Фейсбук та көштен қалмай, Jabber/XMPP қолдайтын болыпты, «МойМир – В Контактегілер» жайында айтпасам да болатын шығар?

Айтпақшы, Blogger.com мен Blogspot.com бізде (мегалайнерлерде) сол беті ашылмай кетті, ал Иранның үкіметі болса, Gmail-ға тыйым салып қойды. Себебі – халық пен үкімет арасындағы байланысты нығайту. Мен де түсінбедім…

Санаттары:медиа Кілтсөздері:, , ,

Қазнет «Твиттеуге» шақырады

Қаңтар 14, 2010 5 пікір

Осы айдан бастап «Микроблогинг тынысы» атты блогым[ыз] өзіме түсініксіз себептерге байланысты «демалысқа» кетті. Бір жағынан хостингім өзімде де емес… Бірақ айтпағым бұл емес. Соңғы микроблогингтік жаңалықтар легінде қазақстандық блог-тұғырнама Yvision.kz-тегі Твиттердің пайда болуы. Тұғырнамадан шықпай-ақ жаңа твит-хабарламаларды оқуға, жаңартуға мүмкіндік бар. Ол үшін тек Твиттерде және Yvision-де тіркелу қажет. Блог-тұғырнаманың жоғарғы сол жағынан қазақ тілін таңдаңыз, Твиттер логосын тауып алып, аккаунтыңызға рұқсат беріңіз. Болды, қазақша твиттей беруіңізге болады 🙂

P.S. Уақыт пен датасы әзірге қазақшаланбаған, бірақ ол уақытша деп сенейік 😉

Санаттары:блогинг Кілтсөздері:,

Әлеуметтік жүйелердің астанасы –

Желтоқсан 24, 2009 Пікір қалдыру

– бұл Digg-тен ұсынылатын сілтемелердің 10 пайызы.
– бұл facebook-тегі ең үлкен желі (network).
– бұл топ Twitter-using city.
– бұл Лондон.

көшірме пастасы

Санаттары:медиа Кілтсөздері:, ,

Webby сыйлығының авторлары басты желілік оқиғаларды атап шықты

Қараша 22, 2009 Пікір қалдыру

Webby Awards интернет-сыйлығының ұйымдастырушылары Webby 2000’s Top Ten атты соңғы он жылдың ішінде интернетпен байланысы бар басты оқиғалардың тізімін жариялады. Осы нұсқа бойынша екі мыңыншы жылдарда адамзаттың желілік жетістіктері осылар:

2000 жыл
1. Жеке хабарландыруларды жариялайтын Craigslist сайтының ықпалы Сан-Францискодан әрі қарай жайылады.
2. Контекстті жарнама Google AdWords сервисі.

2001 жыл
3. «Википедияның» ашылуы.
4. Napster ірі файл алмасу желінің жабылуы.

2004 жыл
5. Google компаниясының биржаға шығуы.

2006 жыл
6. Онлайндық видео-революция, «Макромедия» бастауымен Flash-плеердің пайда болуы және «Ютюб».
7. «Фейсбуктың» ашылуы және микроблогинг сервисі Twitter-дің дүниеге келуі.

2007 жыл
8. Apple iPhone телефонының пайда болуы.

2008 жыл
9. АҚШ президентінің сайлау алды кампаниясының интернетте өтуі.

2009 жыл
10. Иран президентінің сайлауындағы дауыс беру нәтижесіне қарсы шыққан адамдардың Twitter-акция ұйымдастыруы.

Ақпарат көзі

P.S. Қарап отырсаңыз, бұл да тарих, бірақ осы оқиғалардың көбісі бүгінде біз үшін қалыпты жағдайға айналды.

P.P.S. Айтпақшы, барлық жүлдегер блогшыларды құттықтаймын.

Санаттары:медиа Кілтсөздері:, , ,

Google Толқын

Қараша 11, 2009 5 пікір

google_wave_logoЖаздың басында Google компаниясы жаңа сервистің тұсау кесерін жасаған болатын. Компанияның айтуынша, бұл сервис – Интернетте бірлесіп жұмыс істеу саласындағы төңкеріс.

Бағдарламалық қамтамасыз ету конференциясында жасаушылар «Google Wave» (ағылшын тілінен аударғанда «толқын») атты байланыс сервисінің презентациясын жасады. Бұл сервис байланысудың әмбебап құралы және жасаушылардың ойынша ол электрондық пошта, лезде алмасу хабарламалардың бағдарламаларын, фотохостинг және wiki-редактордың орнын басуы қажет. Сіз әріптестеріңізбен сұхбаттасқан кезде экранда жазылған әр жаңа әріптің жазылу жолы көрініп тұрады, сұхбат шынайы әңгімелесуге ұқсап кетеді және уақытты үнемдейді.

Орфография

Хабарламалармен тез алмасу кезінде терезеге енгізілетін мәтінде жиі қателер кетіп жатады. Осы проблемаға байланысты пайдаланушылар да, лингвистер де бұрыннан наразылық білдіріп жүр. Гуглдың толқыны сауаттылық мәселесін қарастырған болатын: сервисте мәтінде кеткен қателерді түзетудің жаңа жүйесі қолданылады. Әзірге тек қана ағылшын тілі үшін болса да, сервис сөздерді контекстке байланысты дұрыстайды. Жасаушылар бұл жүйені Natural Language processing деп атайды және оның орфографиялық сөздіктерге негізделген алгоритмдерден әлдеқайда пайдалырақ екеніне сенімді.

Хабарласу

Google Wave тек қана екі адамның ақпарат алмасуына емес, көптеген адамдардың арасында «әңгіме» жүргізуге жағдай жасайды. Егер бір адаммен жеке сөйлесемін десеңіз – ол үшін де арнайы опция бар, ондай хабарласуды «толқын асты» деп атайды. Бір-біріңіздің хабарламаларыңызды редакциялауға, ұжымдық жоспар, құжат құруға арналған мүмкіндіктер бар.

волна

Өзім Толқынға кіргелі бір айдан асты, терезеде инвайтқа қолы жеткен джимейлдегі байланыстарым бар, чаттардың ішінде басқа да қазақстандық пайдаланушылар жүр. Инвайтты yvision.kz немесе twitter.com-да жүріп, сұрап алуға анда-санда мүмкіндік болып жатады.

Санаттары:медиа Кілтсөздері:, , ,

Фитцпатрик: «Блог – хабарласудың формасы»

Қыркүйек 23, 2009 Пікір қалдыру

m99381LiveJournal-дың негізін салушы Брэд Фитцпатрик қолданушылардың блогтарында ақша табудың (монетизация) мүмкіндіктері жайында баяндап беру мақсатымен Мәскеуге келген еді. Google-да инженер-программист болып жұмыс істейтін Фитцпатрик ЖЖ-ның монетизациялануына сенбейтінін және тұғырнама жақында «ескіріп» қалуы мүмкін екенін «Ведомости» газетіне айтты.

ЖЖ-ны 1999 жылы мектепті бітіргеннен кейін өзінің жеке күнделігі ретінде жасаған. Кейін бұл бизнеске айналды.

Бүгінде ЖЖ-ның жағдайы жайында Бред былай деп айтады: «LiveJournal әлеуметтік желілер мен блог-тұғырнама нарығында алғашқылардың бірі болған еді. Ол Twitter секілді прогрессивті болды. Бұл факт: АҚШта бес әлеуметтік желі танымал болып, кейін осы беделінен айырылып қалғанын көрген едім. Адамдар желіге сәннен қалмас үшін келеді, ал сіздің мамаңыз онда аккаунт ашқан кезде, осы желі сәнді болудан қалады. Бұл дұрыс емес – желінің функционалын таңдау керек».

Блогтардың монетизациясы турасында: «Осы жайында сенімді жауап беру – ақымақтық… Блог – бұл хабарласу формасы, әдетте, электронды почта мен IM секілді. Мен өзімнің почта немесе мессенджерімді қалай монетизациялаймын?»

толығырақ «Ведомости» сайтында

Санаттары:блогинг, медиа, әлеумет Кілтсөздері:, ,

Жай емес деген үмітте

Маусым 7, 2009 8 пікір

3331542018_26c6bdf246

Бір жыл бұрын микроблогинг деген сөзді қолданбайтынмын, тек Твиттерге тіркелгесін, блогымда осы сервис жайында бірнеше рет жазған едім. Уақыт өте келе, «микроблогинг» лексиконымда үйреншікті сөзге айналды, микроблог жүргізуге арналған сервистер көбейді және олардың танымалдылығы да арта түсті.

Бүгін Обамадан бастап Опра Уинфридің бағдарламасын көретін үй шаруасындағы әйелге дейін сол «Не істеп жатырсыз?» деген сұраққа жауап беруге асығатындар көп. Қазір Твиттер, Плюрк сияқтылар өздері әлеуметтік желі бола тұра, Фейсбук, Мой мир деген сияқты ірі әлеуметтік желілерге өз әмірін жүргізгендей болды, тура өздері болмаса да; дәлірек айтсақ, микроблогинг элементтерін кең таратты.

Дара Торрес пен Шакил О’Нилдардың Твиттерде пайда болуы да жай емес, ал твиттерфон  бұл бөлек әңгіме… Бір сөзбен айтқанда, микроблогингке назар аудару енді «болады» емес, «қажет». Қазақ тілінде микроблогингтің қызықты жаңалықтарымен енді мына жерден танысуға болады. Иә, бұл жарнама. 😉 Назар аударғандарыңызға көп рахмет.

Санаттары:блогинг, әлеумет Кілтсөздері:,

Жаңа идеялардың 15 қайнар көзі

Мамыр 4, 2009 15 пікір

561453_3

Егер адам шығармашылықпен тікелей байланысты болса (осы орайда, жазушылар, ақындар жайында айтқым келеді), ерте ме кеш шығармашылық дағдарысқа ұшырасады. Ал блогшылар/копирайтерлер ше? Идея немесе шабыт жоқ, не жазарымды білмеймін, жаңа тақырып таба алмадым, – деген сияқты сөздер сізге бөтен болмаса, осы жазбаны әрі қарай оқуға шақырамын.

Dumblittleman сайтында “15 Ways To Break Writer’s Block ” осындай бірнеше кеңес бар:

Сіздің компьютеріңіз

Иә, дәл солай. Компьютеріңіз сіздің оффлайнға шығуыңызды күтуде. Онда неше түрлі  идеяға итермелейтін материалдар бар.

Bookmarks (орысшасы закладки, ал қазақшасын білесіз бе?)

Сізді қызықтырған сайттар, материалдар жоғалып кетпес үшін, оларды сақтайсыз. Осылайша ұзыннан ұзақ ерекшелеп қойған сайтардың тізімі жиналады. Бірақ оларға екінші рет кіретініңіз екі талай. Осылайша, жаңа идеяларыңыз болмаса, браузердегі bookmarks-ты (аудармасын тағы сұраймын) қарап шығыңыз.

Әлеуметтік желілер мен БАҚ

Сіз интернетте ақпаратты іздейсіз, қазбалап, суырып алуды жақсы көретін болсаңыз, бұрын тауып алған материалды қайта тексеріп шығуға уақыт келді. Материалға үңіліп қараңыз, шын мәнісінде, тереңдеп қарайтын болсаңыз, онда «пайдалы қазбаларды» тауып алуға болады.

RSS оқырмандары

Google оқырманы шабыт қайнар көзіне айналуы мүмкін. RSS – ке жазылып, біраз ақпаратқа ие болуға асығыңыз.

Газет – журналдар

Күнделікті газеттер мен журналдар – идеялардың сарқылмайтын қайнар көзі. Компьютерсіз-ақ ақпарат тауып алуға көріңізші..

Пікірлер

Оқырман пікірлері – шабыттың тағы бір қайнар көзі болуы әбден мүмкін. Кейбір оқырмандар пікірге блогыңыз үшін жаңа идея тастап кеткен де шығар…

Flickr және YouTube

Flickr, YouTube және бақа да сайттар әртүрлі суреттер мен видеоларға бай, олар да жаңа идеяға итермелейді. Кейбір видеороликтар мен суреттер жұмыстағы жаңа материалға шабыттандыруы мүмкін

Кітаптар

Бұл идея үшін ең жеңіл тәсіл. Кітап сөресін шаңнан сүртіп, оқи бастаңыз

Чат және Twitter

Диалог/әңгімелесу – идеяларды әкеледі. Мүмкін, достарыңызбен әңгімелескен кезде олардан кеңес сұрап көрсеңіз? Ақпаратпен алмасудың ең ыңғайлы түрі: чат, Twitter, телефон.

Ескі электронды хаттар

Gmail бізге біраз ақпарат сақтауға мүмкіндік беретіндіктен, ескі хаттарды өшірмейтін шығарсыз. Баяғыда келген хаттарды оқып шығыңыз, ол дәстүрлі емес ақпарат қайнар көзіне айналып, шығармашылық дағдарыс кезінде көмекке келуі мүмкін.

Телевидение

Әлемтор өміріңізге келгеннен кейін, бұрынғы досыңыз – телевидениены ұмытып кеткенге ұқсайсыз. Бірақ бұл да материалдардың зор ресурсы. Сондағы бейне әріқарай материалыңыз ретінде жалғасын тауып алуы ықтимал.

Форумдар

Форумдағы пікірлесулерге қатысыңыз, әсіресе олар қызметіңізбен тікелей байланысты болса. Бұл да идеяларды әкелетін орынға айналуы мүмкін.

Үнхабарлар

Үнхабар тыңдаңыздар. Жұмыстан шаршап, ойлануға мұршаңыз келмесе, үнхабар жаңа идея әкелуі мүмкін.

Қоршаған орта

Қоршаған орта да шабыт сыйлауы мүмкін. Жұмыс үстеліңізді тазалап, бөлмені реттеңіз. Осыны істеп жатқанда да, идея келуі мүмкін.

Миға шабуыл және ойлардың картографиясы

Ұйымдасып, «миға шабуыл»(brain storm) немесе ойлардың картографиясын жасап, жаңа идеяларды тудыра аласыз. Бұрын өзіңіз жазған жазбаларды қарап шығыңыз. Оларды басқа біреумен талқылаңыз, мүмкін жаңа көзқарасқа тап боласыз.

Бұл ерекше Barcamp еді (1)

Сәуір 21, 2009 27 пікір

Жарты жылдай осы шараны күткен едім, ақыры қатыстым. Бұл жазбаны ресми түрде жазғым келмейді, себебі бұл мүмкін емес. Мен үшін осы баркемп ерекше өтті және оның дәл 2009 жылы өтуі өте дұрыс деп ойлаймын. Себеп? Биыл еліміздің Интернет қолданушылары сан жағынан өссе, Қазнеттің өзі сапа жағынан өсті. Жаңа сайттар, блогтар, сервистер көбейді. Barcamp CA 2009 арқылы көзбе-көз Қазнеттің проблемалары, жаңа идеялар талқыланып, жас стартаптарға демеушілік көрсету мүмкіндігі туды.

17 сәуір күні шараға келген қатысушылар тіркелуден өтіп, бір-бірімен танысып, білісті. Қазнеттің блогшылары, twitter мен yvision.kz – тің қолданушылары және Өзбекістан, Қырғызстан, Латвия, Украина, Беларусь т.б. елдерден келген баркемперлер КИМЭПте жиналды. Көбіміз бұрыннан танитын, бірақ өмірде кездеспеген адамдармен танысуға асықтық. Өз басым Твиттер және yvision-дағы таныстарыммен танысып(кейбіреулеріміз ник пен аватар арқылы бір-бірімізді танысақ, көбіміз фотодағы түрімізден танып қойдық; әйтеуір ол да бір қызық еді), бұрыннан танитын Лена мен Инесса (Баркемпті ұйымдастырған қыздар), Adam Kesher, Сардор (Ташкент), Бектұр мен Сымбатпен (Бішкек) кездестім.

18 сәуір күні презентациялар күні болды. Мен және алматылық Елдар микроблогингке байланысты презентация жасауға дайындалған едік. Қабырғаға ілінген кестеге өзіміздің презентациямыздың уақытын жазып қойдық. Бір кезде алдымнан Қуаныш шыға келді, қарасам қасында Ақзере, Салтанат пен Айкона тұр. Барлығымен танысып, әңгімелесіп, суретке түскен едік. Біраздан соң Нұргелді (оны көрмегелі қай заман) Қостанайдан ұшып келді. Бірнеше презентацияға қатыстық, өкінішке орай барлығына қатыса алмадық. Моблог, Yvision, PodKAZt, Opera mini-ді көріп қайттық.

Ақзере, Айконаның бір жұмыстары болып қалғасын, Салтанат екеуміз қалдық. Операның презентациясында Салтанат кімді көріп қалды деп ойлайсыз? Жанарбек аға да КИМЭПтің ішінде жүр екен. Оны көріп, амандасып, біраз сөйлестік.
s6301880

Сол күні Қазақ блогшыларымен кездескеніме қатты қуанған едім. Қыздар блогтары сияқты әдемі, салмақты, ақылды!
Келгендеріне және презентацияма қатысқандарына көп рахмет!

img_2101_resize
img_4906

s6301858

s6301860
s6301877

Жалғасы бар. Келесі жазбада 19 сәуір немесе Idea markets/Startap competition мен Айконың Сәкіні жайында оқи аласыздар