Archive

Posts Tagged ‘подкастинг’

Блогосфера тынысы

Маусым 17, 2009 7 пікір

blogs-about-blogging

Блогосферадағы соңғы жаңалықтарға назар аударайық:

1.      Linux туралы қазақ тіліндегі алғашқы блог. Қазақша Linux (Линукс), орнату, баптау, қолдану кеңестері. Сонымен қатар, осы блогтан қазақша Mozilla Firefox браузерін жүктеп алуға болады. ИТ саласына қатысты қажет ақпарат осы блогта жоқ емес.

2.       Жаңа подкастшы және жаңа үнхабар пайда болды. Оны Сіздер мүмкін тыңдап үлгерген де шығарсыздар. Естімесеңіз, міне. Ansar-ға тілейтініміз: жаңа үнхабарлар қызықты, әрі жиі болып шықсын.

3.      Микроблогингтің соңғы жаңалықтарын хабарлап отыратын блог бар екенін естіген шығарсыздар. Микроблогинг өміріне қатысты өзгерістер, жаңалықтар, жаңа мүмкіндіктер т.б.

4.      Your vision блог-тұғырнамасы 1 ай бұрын интерфейсін қазақ тіліне аударды. Енді қазақ тілді блогшыларға осы тұғырнамада блог жүргізуге еш кедергі жоқ.  Your vision тек қана блог-тұғырнама емес, сонымен қатар, әлеуметтік желі; Сіз бірлестік құрып, немесе дайын бірлестікке кіріп, тақырыпқа сай жазба жаза аласыз және осы жазбаны(пікірлерді де)  басқалар бағалай алады. Тұғырнамадағы басқалардың блогтарында жаңа жазбалар жайында хабардар болып, достар қатарына ұнаған блогшыны қосуға болады. Жеке блог жүргізесіз бе, әлде анда-санда бірлестікке де жазып тұрасыз ба, бұл сіздің еркіңізде.

Advertisements

Сіз үнхабар(подкаст) тыңдайсыз ба?

Мамыр 7, 2009 12 пікір

nodcastМүмкін біреулеріңіз қазақша үнхабар жоқ дейсіздер, мүмкін қызықпайсыз, бірақ дәл қазіргі уақытта олар Қазнетте дамып жатыр, өзіміздің подкаст терминалымыз да бар. Бүгінгі үнхабарлар тақырыбы – көбінесе ИТ саласында. Мысалы, алғашқылардың бірі, бұрын блогымда айтып өткен AWARD.kz 2008 жүлдесінің жеңімпазы — «PodKAZt» Қазақстандағы Интернет жайындағы үнхабар. Сонымен қатар, seo, мәдениет, ИТ, кино тақырыптары мен биыл пайда болған қазақ тіліндегі  студенттік тақырыпты қамтитын үнхабар — «Самғар ұсыныс». Осы үнхабарлардың бәрін ПодКАЗт терминалында тыңдай аласыздар.

Yvysion.kz – та «танымалдылығы жоқ емес» бір қолданушы өзінің «Алғашкаст» па, әлде «Молдакастын» шығарып, өз-өзін Әлемнің алғаш қазақ тілінде подкаст шығарушы деп жария еткен. Негізінде, бірінші қазақ тілді үнхабардың авторлары Асхат аға, ал кейін Қуаныш екенін бұл мырза білмеген/естімеген, ал хабардар болған соң, бұл «жаңалыққа» мән бермеген. Бірақ әңгіме бұл жайында емес.

eMarketer зерттеу компаниясы американдық үнхабарлар нарығын қарастырып, айына бір рет болса да үнхабарларды жүктеп алатындар 2008 ж. – 2013 жылға дейін екі есе ұлғаятынын айтқан. Ал Pew Internet & American Life Project ұйымының зерттеуі бойынша, 2008 жылдың шілде айында американдық интернет-қолданушылардың 18% үнхабарларды жүктеп алды.

podcastОңтүстік Колифорния Университетіндегі USC Annenberg Strategic Public Relations Center ірі зерттеу орталығы барлық медианың ішінен(тек қана интернет-БАҚ емес) подкастинг соңғылардың алдында тұрғанын мәлімдеді. Интернет-қолданушылардың арасынан 7% адамда сұранысқа ие. 6% — мобильді медиада. Pew Internet зерттеуі боынша, 2006 жылы ай сайын 7% интернет-қолданушы үнхабарды жүктесе, 2008 жылы — 19% болып өсті.

Arbitron and Edison Media Research зерттеуі бойынша, 2008 жылдың қаңтарында 12 жастағы американдықтардың 37% подкастинг жайында естіген, 18% бір рет болса да тыңдады және 9% кемінде айына 1 рет оларды тыңдайды.

Universal McCann компанияның глобальді зерттеулері әлемнің үнхабар тыңдаушыларын санап, Қытай— үнхабар тыңдармандар саны ең көп мемлекет екенін анықтады. Былтыр Қытайда үнхабарларды 74% респондент тыңдаған екен. Екінші орында Филиппины — 61%, содан кейін Ресей (58%), Испания, Оңт. Корея т.б. АҚШ бұл тізімде(әрине, тізімге барлық мемлекеттер алынбаған) соңғы орында.

Үнхабаршылардың белсенділері — 18—29  жаста. Статистика мына жерден алыған.

Жаңа идеялардың 15 қайнар көзі

Мамыр 4, 2009 15 пікір

561453_3

Егер адам шығармашылықпен тікелей байланысты болса (осы орайда, жазушылар, ақындар жайында айтқым келеді), ерте ме кеш шығармашылық дағдарысқа ұшырасады. Ал блогшылар/копирайтерлер ше? Идея немесе шабыт жоқ, не жазарымды білмеймін, жаңа тақырып таба алмадым, – деген сияқты сөздер сізге бөтен болмаса, осы жазбаны әрі қарай оқуға шақырамын.

Dumblittleman сайтында “15 Ways To Break Writer’s Block ” осындай бірнеше кеңес бар:

Сіздің компьютеріңіз

Иә, дәл солай. Компьютеріңіз сіздің оффлайнға шығуыңызды күтуде. Онда неше түрлі  идеяға итермелейтін материалдар бар.

Bookmarks (орысшасы закладки, ал қазақшасын білесіз бе?)

Сізді қызықтырған сайттар, материалдар жоғалып кетпес үшін, оларды сақтайсыз. Осылайша ұзыннан ұзақ ерекшелеп қойған сайтардың тізімі жиналады. Бірақ оларға екінші рет кіретініңіз екі талай. Осылайша, жаңа идеяларыңыз болмаса, браузердегі bookmarks-ты (аудармасын тағы сұраймын) қарап шығыңыз.

Әлеуметтік желілер мен БАҚ

Сіз интернетте ақпаратты іздейсіз, қазбалап, суырып алуды жақсы көретін болсаңыз, бұрын тауып алған материалды қайта тексеріп шығуға уақыт келді. Материалға үңіліп қараңыз, шын мәнісінде, тереңдеп қарайтын болсаңыз, онда «пайдалы қазбаларды» тауып алуға болады.

RSS оқырмандары

Google оқырманы шабыт қайнар көзіне айналуы мүмкін. RSS – ке жазылып, біраз ақпаратқа ие болуға асығыңыз.

Газет – журналдар

Күнделікті газеттер мен журналдар – идеялардың сарқылмайтын қайнар көзі. Компьютерсіз-ақ ақпарат тауып алуға көріңізші..

Пікірлер

Оқырман пікірлері – шабыттың тағы бір қайнар көзі болуы әбден мүмкін. Кейбір оқырмандар пікірге блогыңыз үшін жаңа идея тастап кеткен де шығар…

Flickr және YouTube

Flickr, YouTube және бақа да сайттар әртүрлі суреттер мен видеоларға бай, олар да жаңа идеяға итермелейді. Кейбір видеороликтар мен суреттер жұмыстағы жаңа материалға шабыттандыруы мүмкін

Кітаптар

Бұл идея үшін ең жеңіл тәсіл. Кітап сөресін шаңнан сүртіп, оқи бастаңыз

Чат және Twitter

Диалог/әңгімелесу – идеяларды әкеледі. Мүмкін, достарыңызбен әңгімелескен кезде олардан кеңес сұрап көрсеңіз? Ақпаратпен алмасудың ең ыңғайлы түрі: чат, Twitter, телефон.

Ескі электронды хаттар

Gmail бізге біраз ақпарат сақтауға мүмкіндік беретіндіктен, ескі хаттарды өшірмейтін шығарсыз. Баяғыда келген хаттарды оқып шығыңыз, ол дәстүрлі емес ақпарат қайнар көзіне айналып, шығармашылық дағдарыс кезінде көмекке келуі мүмкін.

Телевидение

Әлемтор өміріңізге келгеннен кейін, бұрынғы досыңыз – телевидениены ұмытып кеткенге ұқсайсыз. Бірақ бұл да материалдардың зор ресурсы. Сондағы бейне әріқарай материалыңыз ретінде жалғасын тауып алуы ықтимал.

Форумдар

Форумдағы пікірлесулерге қатысыңыз, әсіресе олар қызметіңізбен тікелей байланысты болса. Бұл да идеяларды әкелетін орынға айналуы мүмкін.

Үнхабарлар

Үнхабар тыңдаңыздар. Жұмыстан шаршап, ойлануға мұршаңыз келмесе, үнхабар жаңа идея әкелуі мүмкін.

Қоршаған орта

Қоршаған орта да шабыт сыйлауы мүмкін. Жұмыс үстеліңізді тазалап, бөлмені реттеңіз. Осыны істеп жатқанда да, идея келуі мүмкін.

Миға шабуыл және ойлардың картографиясы

Ұйымдасып, «миға шабуыл»(brain storm) немесе ойлардың картографиясын жасап, жаңа идеяларды тудыра аласыз. Бұрын өзіңіз жазған жазбаларды қарап шығыңыз. Оларды басқа біреумен талқылаңыз, мүмкін жаңа көзқарасқа тап боласыз.

Бұл ерекше Barcamp еді (2)

Сәуір 24, 2009 17 пікір

Баркемп туралы жалғастыратын болсам, …
…журналист, әрі блогшы Әділ Нұрмақов Moblog.kz атты мобильді веблог жайында, оның функциялары мен қолдануы туралы айтып берді. Ресейде осындай моблогтар екеу болса, бізде енді ғана пайда болды. Интернет пен заң тақырыбында қарағандылық студент Шыңғыс Крайбеков BitTorrent-трекерлердің құқықтық реттеу мәселесін, оның ішінде авторлық құқықтар жайында сөз қозғады. Қызмет көрсету сайттарының ішінде астаналық студент Дармен Аманбаев Apartamenty.kz – пен таныстырды және үшінші күні өткен стартаптар сайысында бұл сайт бірнеше рет жүлдегер атанды. Стартаптар ішінде тағы бір қызық жоба – электрондық кітапхана Wormie.kz. Оны Ақтөбелік White Hill дизайн-студияcы жасап жатыр және дәл қазір елімізде оған ұқсас бірде-бір ресурс жоқтың қасы. Осыдан, бұл жобаның болашағы зор деп болжауға болады. Электрондық кітаптарға арналған осы сервис те BarCamp Ideas Market-тің жүлдегері атанды. Фотохостингке байланысты екі ресурс Pics.kz пен Canvas.kz (әлеуметтік фото-сервис) – ті астаналық Алексей Чубыкин мен Рустем Мұсабеков таныстырды. Ал подкастингке арналған қазақстандық терминал PodKAZt.kz – тің презентациясы подкастерлер павлодарлық Иван Богураев пен алматылық Әсет Нұрпейісовпен өткізілді. Терминалмен таныстыру барысында подкастинг деген не және қазақстандық подкастингтің дамуы жайында айтылып өтті. Сонымен қатар, Қазнет қолданушыларына танымал блог тұғырнама, әрі әлеуметтік желі функцияларын бірдей атқарып жүрген Yvision.kz пен видео сервис Kiwi.kz қызметі алдағы жоспарларымен бөлісіп, қолданушылардың сұрақтарына жауап берді.
Тағы мынадай стартаптар таныстырылды:
http://kazpartner.kz/ – франчайзингке арналған платформа.
http://www.kundelik.kz/ – оқушылардың ата-анасына арналған электронды күнделік.
uchi.kz және referaty.kz – білім беру.
http://www.artmachine.kz – өнер/шығармашылық/арт.
http://autoatlas.kz/ – Қазақстан жолдар атласы.
bbkz.kz – Beauty Business Kazakhstan – сәнқой ханымдарға арналған.
http://infox.kz/ – Молдатаев мырза ұсынады 🙂
inkar.info – Интернет-радио(көпшілікке таныс).
listen.kz – мобильді телефоннан сервирге ақпаратты сақтау.
startup.kz – инвесторларды іздеп жүрген стартаптар сайты.
«Xtime» – студенттермен интернетте жарияланатын қызықты тв бағдарлама(оны yvision және kiwi-ден тауып алуға болады).
KomekteZ.kz – қолдау/көмекке арналған әлеуметтік желі.
4d0b1d0bbd0bed0b3
4d0b1d0bbd0bed0b32
4d0b1d0bbd0bed0b331
фотолардың авторы Сергей Сабанов
Шет елден келген қатысушылар, әрі тәжірибесі бар баркемперлер шараға жоғары баға берді және барлығы дерлік Баркемптің ұйымдастырушылары Елена Жетпісбаева мен Инесса Шлапакқа алғыстарын айтудан жалықпады.

енді ресми емес мәліметтерден 🙂
Соңғы күні Салтанат пен Айкомен кездестім. Айко жалғыз емес, Сәкінімен келді. Көшеде Айконы бірден танып қойдым, Сәкінді де 🙂 «Қазақстан» қонақүйінің жанындағы паркте біраз қыдырып, әңгімелесіп қайттық.
p1070032
p1070046
фото Салтанаттікі

Бұл ерекше Barcamp еді (1)

Сәуір 21, 2009 27 пікір

Жарты жылдай осы шараны күткен едім, ақыры қатыстым. Бұл жазбаны ресми түрде жазғым келмейді, себебі бұл мүмкін емес. Мен үшін осы баркемп ерекше өтті және оның дәл 2009 жылы өтуі өте дұрыс деп ойлаймын. Себеп? Биыл еліміздің Интернет қолданушылары сан жағынан өссе, Қазнеттің өзі сапа жағынан өсті. Жаңа сайттар, блогтар, сервистер көбейді. Barcamp CA 2009 арқылы көзбе-көз Қазнеттің проблемалары, жаңа идеялар талқыланып, жас стартаптарға демеушілік көрсету мүмкіндігі туды.

17 сәуір күні шараға келген қатысушылар тіркелуден өтіп, бір-бірімен танысып, білісті. Қазнеттің блогшылары, twitter мен yvision.kz – тің қолданушылары және Өзбекістан, Қырғызстан, Латвия, Украина, Беларусь т.б. елдерден келген баркемперлер КИМЭПте жиналды. Көбіміз бұрыннан танитын, бірақ өмірде кездеспеген адамдармен танысуға асықтық. Өз басым Твиттер және yvision-дағы таныстарыммен танысып(кейбіреулеріміз ник пен аватар арқылы бір-бірімізді танысақ, көбіміз фотодағы түрімізден танып қойдық; әйтеуір ол да бір қызық еді), бұрыннан танитын Лена мен Инесса (Баркемпті ұйымдастырған қыздар), Adam Kesher, Сардор (Ташкент), Бектұр мен Сымбатпен (Бішкек) кездестім.

18 сәуір күні презентациялар күні болды. Мен және алматылық Елдар микроблогингке байланысты презентация жасауға дайындалған едік. Қабырғаға ілінген кестеге өзіміздің презентациямыздың уақытын жазып қойдық. Бір кезде алдымнан Қуаныш шыға келді, қарасам қасында Ақзере, Салтанат пен Айкона тұр. Барлығымен танысып, әңгімелесіп, суретке түскен едік. Біраздан соң Нұргелді (оны көрмегелі қай заман) Қостанайдан ұшып келді. Бірнеше презентацияға қатыстық, өкінішке орай барлығына қатыса алмадық. Моблог, Yvision, PodKAZt, Opera mini-ді көріп қайттық.

Ақзере, Айконаның бір жұмыстары болып қалғасын, Салтанат екеуміз қалдық. Операның презентациясында Салтанат кімді көріп қалды деп ойлайсыз? Жанарбек аға да КИМЭПтің ішінде жүр екен. Оны көріп, амандасып, біраз сөйлестік.
s6301880

Сол күні Қазақ блогшыларымен кездескеніме қатты қуанған едім. Қыздар блогтары сияқты әдемі, салмақты, ақылды!
Келгендеріне және презентацияма қатысқандарына көп рахмет!

img_2101_resize
img_4906

s6301858

s6301860
s6301877

Жалғасы бар. Келесі жазбада 19 сәуір немесе Idea markets/Startap competition мен Айконың Сәкіні жайында оқи аласыздар

Блогыңыз не жайында?

Қараша 20, 2008 11 пікір

Осыдан бір ай бұрын «Блог бастаймын» атты жазбада блогтар көп болғандықтан, оларды басқалардан ерекшелендіретін белгілер: стиль, тақырып, жазу әдісі болуы қажет туралы айтқанмын. Мысалы, тақырыптық (тематикалық) блогтардың белгілі бір оқырман тобы қалыптасады, яғни олардың тұрақты оқырманы болады, және көп жағдайда бұл блогтың оқырманы – бір саланың адамдары.

Блогтарды екі топқа(станделон және тегін хостинг) бөліп, солардың арасынан жақсы идея мен қызықты тақырып таңдаған бірнеше блогты қарастырайық.

Бірінші, тікелей блогшылардың өздеріне арналған станделон блогтар жайында.

«Дмитрий Донченконың блогтар туралы блогы» – блог жүргізу мәселесіне арналған бет. Бұндағы негізгі тақырып: блог дизайны, оның танымалдылығын арттыру жайында және Интернетте ақша табу мәселелері талқыланады. Блог статистикасы, жаңа плагиндер(көбісі Word Press-тікі), бір блог тұғырнамадан басқасына көшу, Уорд Пресстегі блогтың қағазға шығару нұсқасын дайындау, боттардан сақтану, тағы осыған ұқсас ақпаратты осы беттен таба аласыздар.

«Подкастим» мегаподкастер Рахим Дәулетқалиевпен жүргізілетін Болашақ, жаңа бастап жатқан және мегаподкастерлерге арналған блог. Атына сай үнхабар өнеріне/мәселесіне арналған беттен подкастерлер үшін пайдалы кеңестер және басқа да көптеген қызықты ақпарат оқи аласыздар, мысалы, скринкастинг дегеніміз не және оның құралдары қандай, подкаст жасауға арналған дыбыс программалары және арнайы техникалық аппаратура, монтаж, подкаст терминалдар мекені және т.с.с. Үнхабармен шектелмей, Бейнеподкастинг жайында да ақапарат бар. Мысалы, подкастинг жанрлары туралы.

Қазақ блогосферасы жайында айтатын болсақ, Word Pressті жақында мекен еткен екі блогшы туралы айтқым келеді. Әрине, олардың да жеке беттері бір тақырыпқа арналған немесе бір бағытта өрбіген деп айтқан дұрыс. Сонымен, «Арал53-блогы» жантану саласына арналған жеке бет. Практикалық психология, психикаға әсер ететін факторлар және …. тағы көптеген қызықты ақпарат жарияланады деген үміттемін. Екінші қазақ тілді блог бұл «Dnatic’s music blog. All about magic music…». Бұндағы жазбалар музыка әлеміне, оның ішінде транс пен әуендер толқынындағы әсерлерге және осы жанрдағы таспалардың релиздеріне арналған.

Жаңа блогшыларымыздың ісіне сәттілік және барлығымызға қызықты идеялар мен шабыт тілеймін!

Контент немесе дәл қазір 38 бен 39 арасында жүрмін:)

Маусым 7, 2008 4 пікір

Әр блогтың алғашқы веб-беті газет немесе журналдыкіндей әдетте мұқабадан басталмайды. Мерзімді баспасөздің мұқабасы ең өзекті материалдардың аңдатпасы болса, блогтың алғашқы беті мәтіннен, аудио, видео немесе суреттерге қатысты түсіндірмелерден құралады. Блог бетін толтыратын ақпарат қандай формада жарияланатының білу үшін блогтың мазмұнына, дәлірек айтсақ, контентіне назар аудару қажет. Конте́нт (ағылшын тілінде content) – кез келген хабарламалық маңыздылығы бар ақпарат ресурсын (мысалы, вебсайтты) толтыратын  мазмұн. Бұған мәтін, графика, мультимедиа жатады. Ақпараттық технологиялар саласында бұл терминді вебсайттың мәтіндік мазмұны ретінде көп қолданады. Блогтың өзін бос кеңістік немесе газеттің таза беті ретінде қарастырсақ, контент – бұл мақала, заметка, репортаж, фотосуреттер мен сұхбаттар. Егер блогта тек қана бейне файлдардан құралған хабарлар жарияланса, оның негізгі контенті видео, фото, сурет. Веблогтар аудиохабарлар ретінде де көптеп кездеседі. Осы тұста Подкастинг жайында айтып кетсек, ағылшын тілінде Podcasting iPod жəне broadcasting (хабар тарату) сөзінің қысқартылған түрі, блогта аудио жəне бейне материалдарды, сонымен қатар сандық плейерлерді орналастыру арқылы хабарларды дайындау. Осылайша жеке бетке радио хабарларға ұқсас аудиофайлдар контенті де блогшылар үшін өте маңызды. Қарап отырсақ, қазіргі әлемтордағы контент дәстүрлі БАҚтың барлық түрлерін электрондық нұсқада ұсынады. Баспасөз, радио, телевизияның өңімдері бір блогта көрініс табады және осылардың бәріне бір адам жауап бере алады. Блогтардың көпфункцияналдығы контентті қызықты, тартымды, әрі жүргізуге ыңғайлы жасайды. Ендігі кезекте контенттің тақырыбы, яғни блогтағы жазбалар, видео мен аудио файлдар не жайында екенің талқылайтын болсақ, біріншіден блогшылар жекебет жүргізген кезде алдына қандай мақсат қояды және оқырмандарға қандай ақпарат жеткізуге тырысатының анықтау керек, осыдан біз контент неден құрылатыныңа көз жеткіземіз. Мәтіндік блогтар – блогосферада ең көп таралған, ондағы жазбалар маңызды немесе ешкімге қажет емес, қысқа, не ұзақ болуы мүмкін. Оларды мектеп мұғалімі, танымал футболшы мен ғылым докторлары жүргізеді және блогты қандай ақпаратпен толтыратыны – әр блогшының жеке шаруасы.  Ал билік басындағы адамдардың блогтары қандай және не жайында? Мысалы, президенттердің Интернет-күнделіктері блогосферада жаңа бағыт. Бұндай блогтардың негізгі идеясы – халыққа жақын болу. Иран президенті Махмуд Ахмади өзінің «Mahmoud Ahmadinejad`s Personal Memos» атты блогын 2006 жылы ашқан. Бұл интернет-күнделік 4 тілде жүргізіледі. Блог жазбалардың біреуі бірінші жақтан жазылған автобиографиядан құрылған. «Trip Notes from the Middle East» — атты блог Ақ Үйдің әлемтордағы жеке беті. Блогтың пайда болуы 2008-жылдың басында Джордж Буш пен оның әкімшілігі Таяу Шығысқа (Израиль, Палестина автономиясы, Кувейт, Бахрейн, БАЭ, СаудовАравиясы және Египет) сапарымен сабақтасады. Блогты жүргізе бастаған Ақ үйдің баспасөз хатшысы Дана Перино және президент кеңесшісі Эдвард Глиспен. Блогта оқырманның пікірлері де жарияланатын, бірақ олардың саны тым көп болғандықтан, ішінен сұрыпталаған. 16-қаңтарда президент сапары аяқталып, блог жұмысын тоқтатты. Бірақ АҚШ үкіметі келешекте де осындай шараларды интернетте жалғастырады деген болжам жасауға болады. Видео-блогтың иесі Германия канцлері Ангела Меркель – ФРГдағы канцлерлердің ішінде алғаш блогшы. Өзінің веб-сайтында А. Маркель«видео-подкастинг» айдарын енгізіп, 2006 жылдың 8 маусымынан бастап, саясаттағы өзекті тақырыпқа арналған видео жарияланымдар ұсынады. Бұл қадамымен консервативті саясаткер блог-қоғамдасытығын таң қалдырып, жеке бетінің статистикасын ашық көрсетеді. Бірінші видеофайлды 55 мың адам жүктеп алды. Айта кететін бір жайт, Ангела видео-подкасттарды жариялаудан тұңғыш блогшы. Кейін оппозициядағылар да «солшылар» фракцияның сайтында тура осындай айдар енгізді. Сынға қарамастан видео-подкасттар саяси күресте басқа блог түрлері сияқты маңызды құрал болып қалмақ. Германияның таңымал саясаткері Ансгар Церфас «Welt am Sonntag» газетіне берген сұхбатында: «Видео-подкаст арқылы саясаткер дауыс берушінің назарын тікелей аударта алады», – деп баға беріп, бундесканцлердің виртуалды эфирде жасаған қадамы өте прогрессивті, әрі батыл екенің айтып өтті. Телеэфирдің уақытын бөліп, саяси дебаттардың сайлау алды кампаниялар үшін қаншалықты маңызды екені белгілі, блог арқылы үгіт-насихат жүргізу, бриффинг жасау немесе дауыс берушілердің сұрақтарына жауап беру сияқты шараларды жүзеге асырудың жаңа мүмкіндігі видео-блогтың еншісінде. Мәтінді блогтар фото арқылы дәлелді, шыншыл көрінсе, кейбір жаңалықты видео арқылы жариялаған ыңғайлы екенің тағы ұмытуға болмайды. Мысалы, өрт, жарылыс, табиғи апаттарды камераға түсіріп, блогқа орнатсаңыз, оған 2-3 жол коментарий беріп, көп сөзділікке салынудың қажеті жоқ. Кейбір оқиғалар, соның ішінде әсіресе апаттар, видео материал түрінде жарияланса, заметка немесе аудио-репортаждан гөрі нәтижелі болады. Блогта аудио файлдарды жариялау үрдісі де блогшылар арасында жақсы дамыған. Блогшы қызықтайтын тақырыпта сұхбат жүргізу немесе дайын сценарий арқылы белгіленген тақырыпты талқылау подкасттарда көп кездеседі. Ресейдің подкаст директориясы подкастерлер үшін тегін аудио хостинг ұсынады.  http://rpod.ru адресінде орналасқан Ресей подкаст директориясында аудио-хабар жазам деген кез келген адам өз подкастын орната алады. Ең көп тыңдалған 20 подкаст сайттың алғашқы бетінде жарияланады, тыңдармандар оларға пікір жазып, дауыс бере алады. Барлық подкасттар бірнеше салаға бөлінген: «кітаптар, кино, әңгіме, ән, бизнесс, қаржы, медицина, күнделік, компьютер, ақпараттық технологиялар, ойындар,мәдениет, сән, дін, спорт, философия, т.б.». Подкастерлердің болашақ хабар тақырыбына тыңдарман тікелей әсер етеді, мысалы, пікір қалдыру терезесінде авторға сұрақ қойып, ұсыныс жасау арқылы.