Мұрағат

Posts Tagged ‘журналистика’

»Культурный шок»

Қыркүйек 24, 2011 2 пікір

Бірнеше күн бұрын  Фейсбукте Николя Журнудың осы бір тамаша суретін көріп, не деген шынайы карикатура деп қынжылдым. Кейін пікірлер ішінде бұл жай сурет емес, „Культура и СМИ„ деген кітаптың мұқабасы екенін білдім. Авторы да тез табылып, достар қатарына қосылды – Әсел Мусинова ГАТОБтағы балерина, гугл арқылы іздеп қарасам, республикалық басылымдарда балет жайлы көптеген мақалалардың авторы да екен.

Әсел Ахметовнадан бұл монографияны міндетті түрде сатып аламын деп шештім де, бүгін ол кісімен кездесіп, таныстым. Таң қалғаным, Әсел Ахметовна Селезнев атындағы хореографиялық  училищены бітіріп, кейін ҚазҰУ-тің журфагын, кейін магистратурасын тәмамды, қазір филология ғылымдарының кандидаты, өнертанушы, ҚазҰУ-де оқытушы болып жұмыс жасайды. Кітаптың алғашқы бетін ашып, монография кімге бағышталады деген сөзінде „…атам Сералы Қожамқұлов…„  дегенді оқыдым. Міне, дарынды адамдардың ұрпағы деген осылай болады екен ғой… Осыдан екі жыл бұрын қазақ театрынының тарихымен танысамын деген ниетпен Сералы Қожамқұловтың бір ескі кітабын оқыған едім, ұлы актер өз очерктерінде жастық кездерін, өнер жолындағы алғаш қуаныштары мен қиындықтары, рөлдері жайында жазған еді. Ал бүгін немересінің еңбегімен танысудың сәті түсті.

Монографияда БАҚ пен мәдениеттің бір-біріне деген әсері, өнер тақырыбындағы салалық газет-журналдарға шолу және ондағы материалдардың жазылуы, сонымен қатар, автор рецензия, репортаж, шығармашылық портрет, сұхбаттың ерекшеліктеріне тоқталады. Әсел Мусинова мәдени тақырыптағы сынды жоқтап, журналистикамыздың үлкен проблемасы жайында айтады. Шынымен де, сын жанрлары бізде дамымаған, театр, балет, опера болсын, рецензия жазуға келгенде бұл салада біліміміздің төмен екені айдан анық көрініп тұрады.

Кітапты бір шолып шығып, оның әдеби-көркем рецензия жазуда журналистерге пайдасы зор деген ойда қалдым.

Вакансия: жас журналистер қажет

Тамыз 12, 2011 10 пікір

Достар, қазақ тілді интернет-жоба үшін жас журналистер қажет. Жұмыс Алматы қаласында болмақ. Бізге белсенді, ширақ, Қазнеттің дамуына ат салысамын дейтін, әдебиет, мәдениет тақырыбында жаза алатын студенттер немесе интернет-журналистика саласында тәжірибе жинаймын дегендер қажет.

Түйіндемені aliya@yvision.kz адресі бойынша жіберіңіз. Түйіндемемен бірге өзіңіздің мақалаларыңызды, блогыңыз бар болса, оған сілтеме, жарияланған және жарияланбаған жазбаларыңызды жіберсеңіздер, тіпті жақсы.

Қазақ драмасы…

Сәуір 4, 2011 3 пікір

… сахна және шымылдықтың әр жағында

Биылғы жылдың басында белгілі журналист, публицист, қоғам қайраткері, «Ұлтқа қызмет ету» кітабының авторы, «Арай-Заря», «Дәуір-Время», «Эпоха» басылымдарының редакторы, «Аргументы и факты» газетінің колумнисі Сейдахмет Құттықадамның еліміздің бүгінгі тарихына арналған еңбегіне тап болдым.

Бұл кітап жайында іш пысқасын немесе блогымды жаңартайын деген мақсатпен жазып отырғаным жоқ, меніңше, бұл еңбекті еліміздің әр көзі ашық, көкірегі ояу азаматы оқуы тиіс. Неге десеңіз, біріншіден, бұл кітап мектептің бағдарламасында жоқ көптеген тарихи фактілер жайында баяндайды. Мысалы, 86 жылдың желтоқсанынан бастап, бүгінгі күнге дейін саяси сахнадағы барлық көрнекті тұлғаларды сөз етеді. Сонымен қатар, кітапта тәуелсіз елімізде алғаш партиялардың құрылуы, парламенттегі өзгерістер, министрлер мен президент арасындағы қарым-қатынастар, баспасөзіміздің ахуалы мен оппозициялық басылымдардың ғұмыры, депутаттық сайлау кезіндегі дауыстардың фальсификациясы, еліміздің экономикасы және т.б. маңызды тақырыптар ашылады. Автордың айтуынша, саяси мәдениет пен саяси білімнің жоқтығы қоғамның санасыздығы мен сауатсыздығына, тоқырауына әкеліп соғады.

Екіншіден, бұл кітапта автордың жиырма жылдың ішінде жарияланған тамаша мақалаларымен танысуға болады. Сейдахмет аға еліміздің саяси, экономикалық ахуалына сараптама жасап, кезінде Аслан Масхадов, Ходорковский, Новодворская сынды тұлғалармен де кездесіп, сұхбаттасқан еді.

Өкінішке қарай, республикамыздың кешегі және бүгінгі саяси өмірі шынымен де драмаға, не бір келеңсіздіктерге толы, бірақ бұл тарихымызды бұрмалап немесе бар нәрсені жоққа шығарудың амалы емес.

Талдықорғандағы «Мінбердің» семинары

Қазан 9, 2010 16 пікір

Қазан айының 4-5 күндері Талдықорғанға барып қайтуға мүмкіндік туды, оның себебі жоқ емес. Жергілікті тамаша журналистермен танысып,  қаланың таза ауасын жұтып, демалып қайттік. Төменде семинардың суреттері, барлығы емес әрине.

Тег «Далее»

«Одан-дағы сұрамайсың сен неге жүрегімнің ауа-райын, қарағым…»

Шілде 7, 2010 2 пікір

Өткен айда екі басылым материал үшін пікір сұраған болатын. Өзім елді пікір үшін жиі мазалайтындықтан ондай өтініштерге түсіністік білдіріп, мүмкіндігімше толық және уақытында жауап беруге тырысамын.

«Алаш айнасы» менен қазақтілді интернет-журналистикасы жайында пікір сұраған-тын, телефонмен жауабымды тыңдап алған соң газетте жариялады. Оқып отырсам, өз жауабым өзімдікі емес болып шықты. Негізі, Интернет-журналистика Әлемторда қазақтілінің дамуына, пікірлер арқылы оқырман мен БАҚ арасында байланыс орнатуға септігін тигізетіні, сонымен қатар, Мінбер.кз, Абай.кз, Замандас.кз секілді интернет-газеттер жайында айтып өткен болатынмын. Қарап отырсаңыз, бұл жайында газет үн-түнсіз қалды.

Келесі пікір Фокус.кз газетінде жарияланған. Журналист алдында менен UGC, форумдар мен тақырыптық қауымдастықтар және осындай қауымдастықтарды ресурстар мен қызмет көрсетуді алға жылжытуда қалай қолдануға болатынын сұрады. Бұл тақырыпқа дұрыс пікір беру үшін журналистің сұрақтарын сәл өзгертуге тура келді және пікірді маркетинг саласына жақындатып, әлеуметтік желілер көмегімен маркетингтік стратегиялар қалай жүзеге асырылады деген бағытта жауап берген болатынмын, сөзімді растау үшін жақында жарияланған Cisco зерттеуіне сілтеме де бердім. Ақыры материал тура осы бағытта жарияланды (тақырыптың өзі «Желілік маркетинг» деп аталады екен оО, басынан бастап сұрақты осы саламен байланыстырып неге қоймаған екен?). Материалда менен басқа тағы екі маман да интернет-маркетинг тақырыбында өз ойымен бөлісті. Ал журналист өз материалында Cisco зерттеуінен бірнеше цитата келтіргені жайында тағы айтып өтпеуге болмайды (әрине, бұл ақпарат баршаға ортақ, ешкім таласып жатқан жоқ). Ал менің жауабымнан, шынымды айтсам, аса маңызы жоқ үзінділер ғана алынды.

Бар айтпағым, кейбір журналистер адамдарды жынды қылдырмай, пікір алудың алдында сұрақтарын нақтыласа екен…

Санаттары:медиа Кілтсөздері:, ,

Журналистер күні

Маусым 23, 2010 Пікір қалдыру

Кеше «Алаш Айнасы» газетінен бір журналист қоңырау шалып, журналистер күніне орай материал дайындап жатқанын айтты. Маусым айының соңғы жексенбісінде тойланатын қанатты қалам иелерінің төл мерекесі жақындап қалған екен ғой.

Толығырақ

Құрметті журналистер қауымы, келе жатқан мерекелеріңіз құтты болсын!

Санаттары:медиа Кілтсөздері:,

Семинардың суреттері

Маусым 1, 2010 8 пікір

«Ара» журналы

Сатиралық журнал 1956 жылы наурызда жарыққа шықты. Айына бір рет, 0, 75 баспа табақ көлемімен. Алғашқы шығарушылары: Ғ. Мүсірепов, А. Тоқмағанбетов, Қ. Жармағанбетов. «Ара» қоғам өміріндегі кемшіліктерді, шаруашылық саласындағы қырсыздықтар мен жауапсыздықты, адам бойындағы жағымсыз қылықтарды батыл әшкереледі. 1995 жылдан бастап журнал А3 қалыптағы 4 беттік газет болып шығып тұрды. 1998 жылы шығуын тоқтатты.

2000 жылдың басында Назарбаевтың «Ұйымдасқан Қылмыс пен Сыбайлас жемқорлықты жою туралы» жарлығының пәрменділігін арттыру үшін, мафия, коррупция белең алған кезеңде мемлекеттік деңгейде әлеуметтік мәселелерді көтеретін журнал керек болғандықтан, 2003 жылы Көпен Әмір-бектің басшылығымен қайта шыға бастады.

«Біз жылдамдықта ұтылсақ, Интернет – сарапта»

Сәуір 5, 2010 3 пікір

Бүгін музыкалық журналистика жайында бір ақпарат берейін дегенмін, ақыры тағы да бәрі Жаңа Медиа мен Медиабизнеске тірелді. Заманына талабы демекші, дәстүрлі журналистиканың күн көрісі жайында тағы бір жазба.

The Wire журналының бас редкторы Тони Херрингтон музыкалық  журналистика мен басылымның жұмысы жайында қызықты сұхбат берген еді. Содан үзінді.

Журналист мамандығының мәнісі неде?

— Өнердің басқа түрлері секілді музыка да поэтикалық, метафоралық сөздерге ұмтылады. Экзистенциалдық шындық, руханилықпен қоса, сезімталдыққа да бет алады. Жауаптар осында болу керек. Олар музыкада шифрланған. Журналистің басты және бірінші кезектегі мақсаты — бұл кодты ашу. Кейін оны сөзге айналдырып, оқырманға түсінікті етіп жеткізу.

Музыкалық журналистикада сыни сарап, зерттеу болған жөн. Кез келген музыкалық құбылысты түсініп, жан-жақты біліп және бастысы — оның ғажабын, күшін, қиялын түсіндіре білу қажет. The Wire журналына осындай журналистика қызықты. Және, өкінішке орай, ондай журналистика көп емес.

Мүмкін, бұның себебі музыка жайында құрылымды мәтін оқығысы келетін оқырманның аздығында шығар? Музыка жайында қалың журналдар енді қызықсыз?

— Мен үйтіп ойламаймын. Музыкаға деген қол жетімділік оңтайланды, қазір ол көп, сол себепті адамдарға сенімді және беделді фильтрлер қажет. Мамандырылған қалың журналдарды алатын болсақ, меломандардың бізге деген талабы мынау – көптеген ақпараттың ішінен шынымен де керемет дегендерді ұсыну. Осыдан, The Wire секілді басылымдар ақпараттық шынжырда әлі де болса бас рөлді сомдауда: музыкант — тыңдаушылар.

Веб-журналистиканың мәнісі – жеткізу жылдамдығында. Интернет-медиа баспа журналдарына қарағанда жаңалықтар мен шаралардың өтуі жайында жеделірек жариялайды. Иә, ақырында ақпараттық баспасөз көлеңкеленеді. Қараңызшы, The Wire-дың баспа нұсқасы жаңалықтарға толып тұрмайды. Енді осының қажеті жоқ.

Тағы да медиабизнес жайында

Сапалы журналистика түсінікті әрі жұмыс істейтін бизнес-модельді талап етеді. Қаншалықты қарапайым ереже болып көрінсе де, бұл шындық. Өкінішке орай, Батыс Еуропадағы елдерде мынадай бір үрдіс қалыптасты – миллионерлер мейрамханалар мен фитнесс-клубтарын ашқаннан соң, бір БАҚтың иелері болғысы келеді, содан олар кішірек журнал не газет жасайды. Ал олардың сапасы мен концепциясы көбінде нашар болып келеді.

News Corp-тың басшысы Руперт Мердок: «контент өндірісі қаржыны көп қажет ететіндіктен, ол үшін ақша төлеу керек» – деп жариялады. Көп ретте медиа-нарықтың қатысушылары Мердокке қарсы келетін, ал осы сөзге қарсылық білдіргендер болмады. Алайда, тұтынушы мен шынайы нарыққа бұны қабылдау қиын. Интернеттегілер ақшаны тек керемет қажетті және эксклюзивті контент үшін ғана төйлетіні түсінікті. Wall Street Journal бұл үлгі арқылы жұмыс істей алады, ал The Sun не істемекші? Бүгін әлемнің көп журналистеріне – «сенен екі бет» деп айтады. Бұл ыңғайсыз үлгі, бірақ бұл шынайы өмір және осыдан арылудың бір жолы – Мердоктың сөзімен келісу. Бүгінде көп «қымбат» адамдар арзан контент жасайды. Бұндай жағдай мейрамханалық бизнесте болатын болса, Мишлен жұлдыздары бар мейрамхананың шеф-аспазшысы күніне қосымша фастфуд үшін үш гамбургер жасаушы еді.

Негізінде, медианың жоғалып кетуі – сирек болатын жағдай. Соңғы он жылдың ішінде жоғалып кеткен ақпарат таратушы көз – бұл телеграф, оның өзінде, ол БАҚ емес. Онлайн-басылымдар баспасөзді ығыстырып жібереді деген әңгіме нарықта радио, сосын ТВ, кейін DVD пайда болған кездегі болжамдарға ұқсас. Алайда, концерт, кинотеатр, радионың өзі ешқайда да жоғалып кеткен емес. Баспасөз де жоғалмайды. Оның нарығы тек өзгеріске ұшырайды.

Санаттары:медиа Кілтсөздері:,