Зерттеу. Қазақ тілді сегмент.
Былтырғы жылдың қараша айында қазақ блогшыларын біраз мазалап, сұрақ қойып, шамам келгенше қазақ тілді интернетті зерттеуге тырысқан едім. Биылғы жылы бұл зерттеуге және “Қазақстандық контент”, “Қазақстандық интернет-экономика”, “Қазақстандық интернет-құқық” тақырыптарына байланысты жасалған зерттеулер Медианеттің басшылығымен жинақ ретінде шықты. Кітаптың электрондық нұсқасы жоқ болғасын (әзірге шығар), сіздерге бірнеше сурет көрсетуге тура келеді 
дайын болғанда, хабарлаймын дегесін. Зерттеу үш тілде (мен орысша жазғанмын, қазақшасын өздері аударды, ағылшыншасы тағы бар).
Содан кейін мына презентацияның ішінде былтыр жасалған сауалнаманың нәтижелері бар. Осы презентацияға Анара мен Мақпалдың “Әдеби сайттар” тізімін қосып қойдым.
Categories: блогинг, медиа, статистика
блогинг, блогосфера, контент, сауалнама, әлемтор, қазақ блогтары, қазақ блогшылар
Алмасды “Ә” деп неге жазғанын білмеймін деп алдын ала ескертемін))
Зерттеу еңбегіңіз үшін көп рақмет!
Айтылған пікірлерден “Барлығы ақшаға келіп тіреледі” дегенмен толық келісе алмаймын. Ақшасы барлар бар, бірақ белсенді болмауына басқа себептер бар.
Әлия, еңбегің жансын
Ия, Әлия, еңбегің табысты болсын!
рахмет, қыздар, рахмет, Сағын
қазақ блогосферасының ертеңі үшін еңбек етіп жатқаның үшін рахмет!
Әлияның зерттеулері көңілге қонымды
Әлия, қыстырылысып бір нәрсе айтайыншы. аспаздық тақырыбында екі блог бар депсің: Дәмді бір, Ақбантиктің дастарханы екі..ал менің аспаздығымды тағы ұмытып кеткенсің-ау шамасы =) қоса салшы, ел қатарлы болайық. Сосын фотосурет тақырыпты қандай блогтарды қосқансың атап кетесің ба, қиын болмаса. Фотосуретке қызығушылығым бар еді менің де, біліп жүрейін.. рахмет!
Эльвира, мен бұл зерттеуді тура бір жыл бұрын жасағанмын және бірінші кезекте сіздің блогыңыз бұл қатарда болды деп айтпасам да түсінікті деп ойлағам)) Дәмді деген блог тірі ме және оның жаңаруын анықтадым ба, жоқ па, қазір есімде жоқ. фотоблог арасында сіздікі, Сымбаттікі және Аңсардікі болды ғой деймін..